এটি আবেলি
   সেই যে তুমি কাষৰ পৰা আঁতৰি যোৱা আবেলিটো !
   আঙুলিত আঙুলিবোৰ থমকি ৰৈছিল ,
   চাৰি চকুয়ে সন্মুখ ঢাকিছিল ।
   দুভৰি আগুৱাই দুভৰিত মিলিব খুজিছিল ,
   আজি বহুদিন পাৰ হৈ গ'ল ।
   আবেলিৰ সুবাস পদুলিৰ বকুলী হ'ল ।
  

                                             তাই আৰু আকাশ

                                       

                                                  তোমাক লগ পোৱাৰ আগৰ কথা

                                                  তাই আকাশক ভাল পাইছিল ।

                                                এমুঠি নীলা টানি তাই চকুত সানিছিল ,

                                                 জোনাকৰ মায়া তাই বুজা নাছিল ,
 
                                                 ডাৱৰৰ ঢৌবোৰত তাই জাহাজ এখন আঁকিছিল ,

                                                এচোতাল বৰষুণত তাই দুখন হাত মেলি

                                                দুচকুত আন্ধাৰ আৰু পোহৰৰ লুকা - ভাকু খেলিছিল ।

                                                তুমি কাষলৈ অহাৰ পৰাই সকলোবিলাক

                                                নীলা ছাতি আৰু বগা বেলুন একোটা হৈ

                                                আকাশত ওলমি আছিল ।