মোক তোমাৰ কোলাত শুৱলৈ দিয়া
তোমাৰ আঁচলৰ ছাঁত
আঁতৰ কৰা মোৰ সমস্ত অৱসাদ ।
মোৰ চুলিত আঙুলি বুলাই
তুলি দিয়া মোক নিদ্রাদেৱীৰ কোলাত ।
সঁচাকৈয়ে আই এতিয়া বিচাৰি ফুৰিছোঁ মই
অলপ মৰম , অলপ ভালপোৱা ।
সেয়ে পুনৰ শিকিব বিচাৰিছোঁ
শৈশৱৰ আদিপাঠ ।
মাটি - পেন্ঞ্চিল আৰু ফলিখন মোক বিচাৰি দিয়া
শিকাই দিয়া 'অ' আৰু 'ক' ৰ ভাঁজ ।
মোক গা ধুৱাই দিয়া , কাপোৰ পিন্ধাই দিয়া ,
ভাত খুৱাই দিয়া ,
কঁপালত আঁকি দিয়া
এটা ডাঙৰ ফোঁট ( কলাফোঁটত পাউদাৰ দিবলৈ নাপাহৰিবা আই ) ।
মোৰ স্কুলৰ মোনা ,পানী বটল আৰু ছাটিটো দিয়া ,
আগবঢ়াই দিয়া পদূলিমুখলৈ ।
ৰাস্তাৰ বাঁওফালে যাম নে সোঁফালে ........!!
আই , মই কেইবাবাৰো ভুল কৰি ৰাস্তাৰ ওলোটাফালে গৈছোঁ ।
এতিয়াৰ পৰা মই সদায় বাঁওফালে যাম
আৰু ঘুৰি আহি তোমাৰ কোলাত শুম ,
তুমি মোৰ চুলিত আঙুলি বুলাবা ,
মই শুনি টোপনি যাম
"আমাৰে মইনা শুব এ , বাৰীতে বগৰী ৰুব এ " .....।
তোমাৰ আঁচলৰ ছাঁত
আঁতৰ কৰা মোৰ সমস্ত অৱসাদ ।
মোৰ চুলিত আঙুলি বুলাই
তুলি দিয়া মোক নিদ্রাদেৱীৰ কোলাত ।
সঁচাকৈয়ে আই এতিয়া বিচাৰি ফুৰিছোঁ মই
অলপ মৰম , অলপ ভালপোৱা ।
সেয়ে পুনৰ শিকিব বিচাৰিছোঁ
শৈশৱৰ আদিপাঠ ।
মাটি - পেন্ঞ্চিল আৰু ফলিখন মোক বিচাৰি দিয়া
শিকাই দিয়া 'অ' আৰু 'ক' ৰ ভাঁজ ।
মোক গা ধুৱাই দিয়া , কাপোৰ পিন্ধাই দিয়া ,
ভাত খুৱাই দিয়া ,
কঁপালত আঁকি দিয়া
এটা ডাঙৰ ফোঁট ( কলাফোঁটত পাউদাৰ দিবলৈ নাপাহৰিবা আই ) ।
মোৰ স্কুলৰ মোনা ,পানী বটল আৰু ছাটিটো দিয়া ,
আগবঢ়াই দিয়া পদূলিমুখলৈ ।
ৰাস্তাৰ বাঁওফালে যাম নে সোঁফালে ........!!
আই , মই কেইবাবাৰো ভুল কৰি ৰাস্তাৰ ওলোটাফালে গৈছোঁ ।
এতিয়াৰ পৰা মই সদায় বাঁওফালে যাম
আৰু ঘুৰি আহি তোমাৰ কোলাত শুম ,
তুমি মোৰ চুলিত আঙুলি বুলাবা ,
মই শুনি টোপনি যাম
"আমাৰে মইনা শুব এ , বাৰীতে বগৰী ৰুব এ " .....।